Nagaland nung Oct 14 nungi pen down strike tenzüktsü

Dimapur, October 10, 2025 (TYO): Nagaland nung sorkar department balala nung inyakertemi October 14 nungi pen-down strike tenzüktsü.

Joint Coordination Committee (JCC)-i October 9 nü iba atema tetuyubatem agütsüogo.  Lungkak aitba mapang emergency aser healthcare operations nungbo timtem magütsütsü. Maneni power supply maintenance, water distribution, road repairs, sanitation services, medical personnel aser law enforcement agencies nung inyakertembo akhi ama mapa inyaktsü.

Joint Coordination Committee nung dena aliba service associations ajak dang iba sentong tiptema agitettsü atema tetuyuba agütsüogo.

JCC nung densema aliba Nagaland School Teachers Association-ia tetuyubatem agizükogo aser parnoki shilem agitsü osang metetdaktsüogo.

JCC-isa affiliated service associations ajak dang pen-down strike nung shilem agitsü nenshiogo.

Iba strike den sendaktepa maliba non-governmental agencies-i tetuyubatem magizüker ta sangdongba ajanga terata adokdaktsür saka iba sentong ya coordinating bodies den sendaktepa alirtem atema dang lir ta JCC-isa jangjashitsüogo.

Sorkar mapa inyakertemi strict attendance protocols alitsü aser department tekolaktemi strike nung shilem agirtem tenüng tejangja bendentsü atema JCC-isa tetuyuba agütsüogo.