Nagaland nung pezünü clef surgery sentong temogo

Deputy Commissioner, Dimapur indang conference hall nung March 17, 2020 nü Dimapur district DDMA senden amenba mapang tangokba noksa ka yangi angur.

Dimapur, Metsüremi/March 18 (TYO): Oking Hospital, Kohima den lungjemer Smile Train India ajanga Shija Hospital-i Nagaland Cleft Outreach Program anogo pezü agiba tembangogo. Ibai Smile Train atema phase 40 buba tembangba alitsü. Smile Train India ya alima nung cleft organization tulutiba lir, aser parnok teyari ajanga Nagaland nung tebang chimar asor tanurtem nem anogo pezü tashi angadi surgery agia anepaluogo.
March 8 nungi 11, 2020 anogotem agiba cleft surgery camp nung Nagaland tesem balala nungi tanur 20 nem angadi surgery agitsü. Angadi temang anepaluba den külemi patient tem nem angadi mozü agütsü aser travelling allowance agüja liasü.
Iba cleft surgery program ya Shija Hospitals and Research Center, Imphal ajanga Oking Hospital, Kohima den lungjemer ayongzük.
2012 küm tenzükba Nagaland Cleft Outreach Program phase 40 buba tembangba mapang Nagaland nung cleft surgery 445 angadi agütsüogo, koba Smile Train partner, Shija Hospital ajanga Oking Hospital, Kohima den lungjemer ayongzük.