Nagaland nung Polling Stations 2399 kümogo

Dimapur, September 18, 2026 (TYO): Nagaland nung Special Intensive Revision of Electoral Roll (Phase -111) tagidak mapang Assembly Constituency 60 prong nung Polling Stations rationalization asüba sülen Polling Stations 2399 kümogo.

BLOs ajanga House-to-House enumeration asüba nung ajemdaker Election Commission of India ajanga lateta aliba ama voters 1200 tema aliba Polling Stations ajunga reprangshia liasü ta Chief Electoral Officer Nagaland-i metetdaktsü.

District Election Officers-i ashiba nung ajemdaker aser political parties den asüngdangtepa Polling Stations 38 tasen lapokgo aser iba ya Election Commission of India (ECI)-ia mulunga agizükogo. Tang Nagaland nung Polling Stations 2399 lir.

September 21, 2026 nü Chief Electoral Officer, Nagaland indang office nung osangbener senden ka alitsü ta DIPR sangdong ka nung ashi.

Iba ya Electoral Roll indang Special Intensive Revision (SIR) dak sendakba atema lir ta parnokisa ashi.