Nagaland nung primary jenjang nung temulung agütsütsü ayongzüker ; Minister Yitachu-i Sept. 6 nü school ajak sodi asütsü sangoktsür

Sept. 5 nü NBCC Convention Hall, Kohima nung State Level Teachers Day Award 2016 agizükertem, Minister tem, Parliamentary Secy. tem aser Dept. ketdangsertem külemi tangokba noksa angur.

Kohima, September 5 (TYO): Hombarnü Kohima nung State Level Teachers’ Day ayongzüka amung aser iba sentong nung tongti tesemdangerji School Education Minister, Yitachu liasü.
NBCC Convention Hall nung School Education Department-i ayongzüka agiba sentong nung Minister Yitachu-i tongti tesemdanger o jembidang, “Nagaland state nung aliba school ajak nung quality education agütsütsü atema khuret bena asenoki iba anogo mungdi” ta ashi.
Nagaland nung mapang talangka ‘primary’ jenjang senzüka toktsüogo. Asenoki primary jenjang senzüka yutsüra, asen state tarutsü putu majungtsü aser terenlok malitsü. Anungji, asenoki primary level education atema tebilemtsü bena inyaktsüla, ta Yitachu-isa ashi.
Paisa, tesayurtem dang pei mapa nung bendanga agütsüshir inyaktsü ayongzük aser loktiliba nung tangar memeneper nem shisaliok tajung agütsütsü atema mepishi.
Minister, Yitachu-isa kaketshirtem dang takok angur aser senso tajung ka ka asütsü atema pei tazüngba nung temulung agütsütsü ayongzük. “Nenoki takok tajung ngura, ibaji nür tesayurtem asoshi sempet tulutiba asütsü” ta paisa shisem.
Nagaland nung tesayur nem akhümtsübu agütsüba tamaitsü School Education Minister-i asüng (September 6) nü school ajak sodi anogo asütsü ta sangoktsü.
Sentong nung School Education Department Commissioner & Secretary, F P Solo-ia o jembidang, tesayur tajung aser takotettemi dang quality education agütsütettsü ta ashi.
Nagaland state nung sorkar school tesayur 12000 jungnüa lir aser parnok rongnung ‘untrained teachers’ 65% shi lir. Ano, nija school tem nunga tesayur 70% tashi training magi lir, ta Solo-isa ashi.
Iba dak sendakba nung Solo-i ashiba agi, Department-i untrained government teachers atema mapatong ka tenzükogo aser paisa nija school ketdangsertem danga trained candidates dang shimoktsü aser training magii aliba tesayurtem training agidaktsütsü atema ayongzük.
Sentong nung All Nagaland Private School Association General Secretary, Nini Sekhose-ia o jembidang ashiba agi, tesayur kaji pa/la taküm ajanga alima nung temelenshi bener arutsü atema bendanga agütsüba nisung ka lir.
“Iba mapa ajanga nü dak aliba ajunga aginür, anungji tesayur mapa inyaktsü atema zübazüba menangzüktsüla” ta laisa ashi.
Nini Sekhose-isa state sorkar dang Teachers Day 2014 nü parnoki nangzükba nenshia metetdaktsü.
Teachers Day 2014 nü state sorkari nija school tem nem Mathematics aser Science tesayurtem agütsütsü nangzük saka ibaji tanü tashi mapa küma meinyak lir, ta lai ashi.
Sentong nung nija school tem nungi tesayur 7 densema ajak agi tesayur 24 nem state level award agütsü.

LIST OF STATE TEACHERS AWARDEES 2016:
1. Shri. L. Tokishe Chishi, Head Teacher, GPS/GMS Diphupar, Dimapur
2. Shri. Andrew Ahoto Sema, Principal, Livingstone Foundation HSS, Thahekhu, Dimapur
3. Smti. Neizokho-u Vizo, Graduate Teacher, Ruzhukhrie GHSS Kohima
4. Shri. Kegwanye Rengma, Hindi Teacher, GHSS Tseminyu, Kohima
5. Shri. Kerihol Stephen Theyo, Headmaster, Chilldren Christian School, Kohima
6. Shri. M. Cholise Sangtam, Graduate Teacher, GHS Phelungre, Kiphire
7. Shri. Daitari Barik, Assistant Teacher, Loyala HSS Kiphire
8. Shri. Lalit Kumar Pathak, Senior Graduate Teacher, GHS Phukiu, Kiphire
9. Smti. Y. Anungla, Assistant  Head Mistress, GHS Yachem, Longleng
10. Shri. Jahirul Islam, Assistant Teacher, Phom Lempong School, Longleng
11. Shri. J. Rongsen Jamir, Headmaster, GHS Alongkima, Mokokchung
12. Shri. Satyem Roy, Assistant Teacher, Mount Moriah School, Ungma, Mokokchung
13. Shri. Nyamnyei Konyak, Primary Teacher, GPS-B, Changlangshu, Mon
14. Shri. M. Shahlem Konyak, Primary Teacher, GMS Wakching, Mon
15. Smti, Usha T.K., Assistant Teacher, Christ King HS, Mon
16. Shri. Rameshwar Mahto, Graduate Teacher, GHS Losami, Phek
17. Shri. Bisharlang ReynaId Pyngrope, Principal, Tewelhi Medo Tyrannus HSS, Phek
18. Shri. Anil Kumar Thakur, Senior Graduate Teacher, GHSS Peren
19. Shri. K.Yukhaba Mongzar, Head Teacher, GMS Phir Ahi, Tuensang
20. Shri. Ram Nagina Yadav, Teacher In-charge, GHS Sotokur, Tuensang
21. Smti. Khobeno Ovung, Graduate Teacher, GPS Phiro ‘A’ Wokha
22. Shri. Hapemo Shitirie, Graduate Teacher, GHS Wokha village, Wokha
23. Smti. Ali L. Chishi, Graduate Teacher, GMS Aizuto, Zunheboto
24. Shri. Madan Prasad Singh, Graduate Teacher, GHS Suruhuto, Zunheboto