Nagaland nung public sector bank tem nunga pension sen agizüktettsü

Dimapur, February 26 (TYO): Pensioner tem lenji arua Nagaland sorkari Nagaland nung lapoka aliba public sector bank kar nung pension sen agizüktsü atema temelaba agütsüogo.
Pensioner aika akümba den ano public sector bank tema aika lapoka aliba nung ajemdaker sorkari iba telemtetba agi, ta Dimapur District Pensioners’ Association, Tir, I. Meren Longchar-i sangdong ka nung metetdaktsü.
Iba dak sendakba nung pensioner temi tsünglanglen agüja aliba Bank mashi ka nung oa pension sen agizüktsü atema tongteprateptsü akok aser pensioners loan aginürtemia item bank dang teyari meshitsü akok, ta sangdong nungsa shia lir.
1. Allahabad Bank
2. Bank of Baroda
3. Bank of Maharashtra
4. Bank of India
5. Canara Bank
6. Central Bank of India
7. Punjab National Bank
8. Punjab & Sind Bank
9. Syndicate Bank
10. Union Bank of India
11. Vijaya Bank