Nagaland nung Pulp & Paper Mill tanaben lapoktsü : Union Minister

Agartala, June 17 (Agencies) : Nagaland nung Pulp & Paper Mill tanaben lapoktsü atema Centre sorkari akokba tashi merangtsü, ta Union Heavy Industries & Public Enterprises Minister, Anant G. Geete-i Hokolbarnü metetdaktsü.
“Onoki iba mill asentenshitsü atema telemtetba agiogo. Northeast tesem nung nüngdakba industry tem lapoktsü atema onoki akokba tashi inyaktsü” ta Anant-i ashi.
Union Minister Anant-i tanü Agartala semdangi aru aser paisa ashiba agi, “Centre sorkar atema Northeast tesem nung industries indaktsütsü aser infrastructure renlokdaktsütsü atema tongti süa bilemer.”
Centre-i Hindustan Paper Corp nem sen crore 30 agütsütsü nangzükogo aser iba nungjagi Nagaland Pulp & Paper Co Ltd (NPPCL) mesüra Tuli Paper Mill nem sen crore 12 lemzüktsütsü.
Power nüngdakba ama manguba aser law & order onüktem ajanga iba mill metenzükteti lir, ta paisa shisem.
Tripura nung rubber kanga junga tsünütetba atema Anant-isa ashiba agi, Centre sorkari Tripura nung rubber based industry lapoktsü atema teyari agütsütsü.