Nagaland nung Rashtriya Ekta Diwas anogomong amongtsü

Dimapur, October 29 (TYO): India ajunga den tsüngkang medema Nagaland nunga Rashtriya Ekta Diwas anogomong tan October 31 nü amongtsü sentong renemogo.
India linük ajunga tali lungjemshitsü, sentaktepshitsü aser linük kümzüka ayutsü nükjidong nung iba anogomong ya linük ajunga nung amongtsü ayonga lir.
Aji oda, Nagaland kübok tentetba Directorate shia nung Head of Departments (HODs)-temi ayonger külen iba anogo nung “Ni linük ajunga den tali lungjemshitsü, sentaktepshitsü aser linük kümzüka ayubaren wakzüka ayutsü, aser iba osang külem sensopur rongnung prokshitsü nangzüker. Sardar Vallabhbhai Patel-i nükla tajung yur nüngdakba maparen inyakba ajanga India ajunga ka küma lungjemtsüba tanela nung ni iba tenangzükba agir. Ozü linük kümzüka ayutsü asoshi nia kü shilem inyaktsü nangzüker,” ta tenangzükba agitsü.
Kasa anogo nung Kohima kübok Secretariat Conference nunga Patel asoba anogo bilemteta Rashtriya Ekta Diwas (National Unity Day) sentong anepdang 11:00 ako nungi tenzüka Chief Secretary, Nagaland menden ser agitsü.
Department ajunga nung Administrative Heads aser Secretariat nung tenzüker ketdangser aser mapa inyaker ajungai iba sentong nung shilem agitsü tetuyuba tanü sangdong ka ajanga metetdaktsüogo.