Nagaland nung re-poll magitsü

Dimapur, April 12 (TYO): April 12, 2019 nü Commissioner & Returning Officer, M. Patton den General Observers, Alok, IAS aser Ravi Jha, IAS nungertemi Deputy Commissioners aser District Election Officers-i agütsüba report tem reprangdang.
Tanep 11:00 ako nung Commissioner & Returning Officer, Nagaland indang office nung report temji reprang. DC & DEO ajaki pei pei district nung polling agiba osang tejangja metetdaktsü.
Iba mapang Mon, Tuensang, Peren, Kiphire aser Longleng district indang report mereprang kechiyong item district nungi political party shingaia ken o mebenok.
Tanü election ketdangsertemi report tem reprangdangba sülen repoll magitsü telemtetba agi.
Iba mapang RO aser General Observers-i INC, NDPP & Independent nungi teshimtet nübotem liasü saka NPP party nungibo nisung shinga maden.