Nagaland nung ‘Regional Party’ tasen ka tentetogo

Dimapur, January 7 (TYO): Nagaland nung “Liberal Democratic Party of Nagaland” ta ser regional political party tasen ka tentetogo, ta Honibarnü LDPN Media Cell sangdong ka nung metetdaktsü.
Putu 21buba nung Naga nunger rongnung temelenshi bener arutsü nükjidong nung tazünger lanurtemi iba regional political party tenzüker aser onoki 2018 general elections nung clean election yimya agi tokteptsü sentong lir, ta LDPN sangdong nungsa shia lir.
“Liberal Democratic Party of Nagaland” nung President ji S. I. Pongen aser General Secretary ji Iskha Wotsa lir. Onok indang omenji “Liberty, Equality and Fraternity” lir aser onoki Naga nungertem talenba nungi salatsü aser temeten atema raratsü,” ta Liberal Democratic Party of Nagalandt (LDPN) Media Cell sangdong nungsa metetdaktsü.