Nagaland nung RTI küm 10 ajungba sentong agitsü

Dimapur, February 5 (TYO) : Nagaland nung Right to Information Act (RTI) mapa inyaktsü tenzükba sülen küm 10 ajunger aser iba dak sendakba nung Nagaland Information Commission-i March 3, 2016 nü state jenjang nung sentong ka ayongzüka agitsü.

RTI tenzüker küm 10 ajungba anogomungji Capital Convention Centre, Kohima nung agitsü, ta February 4 nü IPR den senden ka alidang State Chief Information Commissioner, Bukchem Phom-i osang metetdakja liasü.

Iba sentongji ‘RTI: Trust Through Transparency’ omen nung ajemdaker agitsü Department balala nungi aser tentettem nungi FAAs, PIOs aser APIOs nungeri shilem agitsü, ta Bukchem Phom-isa ashi.

Paisa, Nagaland State nung RTI den sendaktepa aliba ketdangsertemi iba anogomung indang osang meteta alitsü aser shilem agitsü atema nenshia metetdaktsü.

State Chief Information Commissioner den senden nung IPR ketdangsertem den Secretary, NIC, Worhonthung Ezung nungertem aden.

You must be logged in to post a comment Login