Nagaland nung sampled school tem nung survey agitsü

Kohima, Aenjeti (January) 27 (TYO): Linük tesem ajungalen Tsüklai (February) 5 nü RMSA kübok National Achievement Survey Class X (Cycle 2) 2018 agitsü; iba survey ya Educational Survey Division of the NCERT-i achaayanga agir, ta tanü ketdangsertem osang ka ajanga metetdaktsü.
National Achievement Survey (NAS) ya India kübok district ajak nungi school tem indang representative sample lir, koba ajanga sorkar school tem, sorkari yariba school tem aser nija school tem nung shisaliok inyakyim angatettsü. NAS nungi bushitetbatemji inyakyim aser asalentong atema amshitsü.
Nagaland nungi sampled school 426-i iba survey nung shilem agitsü, aser Tsüklai 5, 2018 anepdang 10:00 ako nungi sampled school ajak nung survey tenzüktsü, anungji District Education Officer (DEO)/Sub-Divisional Education Officer (SDEO) temi tajemtiba agi anogo asembo jelia sampled school tem nungi tekolakpurtem nem test materials agütsütsüla, ta sangdong nungsa shia lir.
Anungji sampled school nungi tekolakpurtem dang peipei DEO/SDEO den tongtepratepa inyaktsü metetdaktsür.
Iba dak alia iba survey atema shima aliba Field Investigators ajak dang District Coordinator- DEO/SDEO-i ayongzükba training nung adentsü metetdaktsü. Field investigators-i ketdangsüa pei nem lemzüktsüba sampled school nung survey agitsü.
Iba survey agidang sampled schools tekolakpur aser school ketdangsertemi field investigators den yaritepa inyaktsü mepishia metetdaktsür, ta kasa sangdong ajangasa metetdaktsü.
District balala nung DEO/SDEO temji yamai alitsü:
1. R. Amongla, DEO, Dimapur
2. Deenabandhu Panda, DEO, Kiphire
3. Watisangla, DEO, Phek
4. Jungshimongla, DEO, Wokha
5. Nitoli, DEO, Zunheboto
6. Kedochanyü, SDEO, Kohima
7. S. Bendang Longkumer, SDEO, Longleng
8. Ernest Zeliang, SDEO, Peren
9. Dominic Tungoe, SDEO, Tuensang
10. Satemkala, ADEO, Mokokchung
11. Ngiplem, District Coordinator, RMSA, Mon