Nagaland nung sensakertem atema health scheme tenzük

Kohima, February 15 (TYO): Nagaland nung Health and Family Welfare Department-i National Health Protection Mission (NHPM) / Pradhan Mantri lan Arogya Yojna (PMJAY) mapa inyaker.
Iba scheme ya Ayushman Bharat programme kübok shilem ka ama September 23, 2018 nü tenzük.
Linük nung iba scheme ya nisung 2,33,328 asoshi tenzük aser iba nungi Nagaland nunga nisung 13,372 lir.
Iba scheme kübok 1,534 health packages (India sorkari sangdongba package 1350 aser state sorkari sangdongba package 184) lir ta State Nodal Officer NHPM Dr Kikameren Longkumer-i ashi.
NHPM / PMJAY ya sensakertem aser koda masüba tia nung alirtem temang anepalutsü atema tenzükba scheme ka lir aser iba scheme kübok tang teinyakdak Rashtriya Swasthya Bima Yojana (RSBY) aser Senior Citizen Health Insurance Scheme (SCHIS) dendaktsütsü, ta paisa ashi.
Socio Economic & Caste Census (SECC) 2011 nung aliba kibongtem aser RSBY Beneficiary Families-i iba scheme kübok tajangzük angutsü.
Beneficiary Family Unit nung kibong nung züngsem ajak adentsü. Nagaland nung iba scheme ya kibong 2,33,328 asoshi lir aser küm nung kibong kati sen lakh 5 tashi pre & post hospitalization expenses den tanga teyaritem angutsü.
Nagaland nung iba scheme inyaktsü atema hospital 59 tashi empanelled süogo aser iba nung public hospitals 54 dena lir. Hospital tem rongnung district hospitals 11, CHCS, PHCs aser nija hospital 5- Faith Hospital, CIHSR, House of Hope (ECS), Impur Christian Hospital aser Bethel Medical Centre dena lir.
Tang tashi nung kibong 13,372 jangjaogo aser parnok nem eCards agütsüogo aser sen lakh 13.12 tashi kibong 131 nem teyari agütsüogo.