Nagaland nung Special Drive July 1, 2017 nü tenzüktsü

Kohima, June 29 (TYO): Special drive 2017 dak sendakba nung Brihostibarnü Kohima nung osangbenertem senden ka nung Chief Electoral Officer, Nagaland, N.Moa Aier-i, Special Drive 2017 ya 2017 küm omen “No voters to be left behind” dak sendakba sentong lir aser iba ya July 1, 2017 nü tenzüktsü aser July 31, 2017 nü tembangtsü ta metetdaktsü.
Election Commission of India (ECI)-i tang mezüng vote agütsütsü temsüa alir arishi küm 18-21 purtem mezüngdoktsü atema maneni enrolment update asütsü metetdaktsüogo, ta paisa ashi.
Paisa Special Drive mapatem- züngdoka aliba arishi küm 18-21 purtem nungi forms agizüktsü, peipei jurisdiction nung BLO temi kibok sema senzüktsü densema July 8, 2017 aser July 2, 2017 nü polling station shia camp akatsü, ta metetdaktsü.
Iba dak alia July 1, 2017 aser July 31, 2017 tsüngda anogo balala ana nung sorkar aser nija shisaliok rejutem nung special camps akatsü, ta metetdaktsü.