Nagaland nung Special National Integration Camp agidar

Dimapur, January 8 (TYO) : January 7, 2017 nü Patkai Christian College, Chumukedima nung Maj Gen Atanu K Pattanaik, Sena Medal, Chief of Staff 3 Corps-i ‘Special National Integration Camp’ ka tenzüktsüogo.
Iba Camp nung linük tesem balala nung aliba Directorates 17 nungi National Cadets Corps nungi cadet 600 shi adenshia lir. Parnok rongnung North East Region nungia cadet 110 dena lir.
Honibarnü Brig MS Nikam Group Commander, Group HQ Kohima aser Camp Commandant aser states o UTs ajak nungi Associate NCC Officers lia Maj Gen Atanu-i Special National Integration Camp lapoktsü.
January 11 aser 14, 2017 anogotem nung Nagaland Chief Secretary aser Nagaland Angh natia iba camp semdangtsü sentong renema lir.