Nagaland nung Tourism Sector tajungba akümtsü

Dimapur, November 15 (TYO): November 14, 2019 nü Tourist Lodge, Dimapur nung Nagaland Tourism Department aser Airbnb, India tsüngda senden ka amen.
Hornbill Festival atema Airbnb ya accommodation partner asütsü shimogo.
Airbnb-i Nagaland nung tetsüng ajemokba ya tourism ecosystem tajungba akümba tamaitsü ka lir, kechiyong iba ajanga Nagaland nung Homestays ya online global market-i anioktsü.
Iba maparen atema District Senior Tourist Officers aser Tourist Officers-i District Co-coordinators ama inyaktsü. Parnoki pei pei district tem nung Hosts, Homestays, Tourist Hotspots, Trekking Routes aser tanga sentongtem indang osangtem metetpelatsü.
Parnokisa Village Council tem den yariteptsü aser skill development workshops ayongzüka agitsü.
Iba maparen atemasa Airbnb-ia Nagaland ajungkettsü atema social media influencers aser journalists tem amshitsü.
Airbnb den tesentaktep yangluba ajanga state sorkari Nagaland indang Tourism Sector tajungba kümdaktsünür aser state nung alirtem indang rongsenkettsüng jenjang ajungketnür, ta Tourism Director Akhale Vizol-i sangdong ka nung metetdaktsü.