Nagaland nung ‘Vigilance Awareness Week’ amungtsü

Dimapur, October 19 (TYO) : Nagaland nung October 26 nungi 31, 2015 tashi ‘Vigilance Awareness Week’ amungtsü ta Secretary Vigilance Commission Sehjang Doungal-i sangdong ka nung metetdaktsü.
Iba sentong ya Central Vigilance Commission New Delhi-i tetuyuba agütsüba nung ajemdaker amunger aser omenji “Preventive Vigilance as a tool of Good Governance” alitsü, ta sangdong nungsa shia lir.
Iba dak sendakba nung State Commission-i October 26, 2015 nü college jenjang nung o toktepba sentong ka State Academy Hall, Kohima nung agitsü.