Nagaland nung World Population Day amungtsü

Dimapur, July 8 (TYO) : July 1, 2016 nü Nagaland nunga “Take Responsibility, Make Plan” omen nung ajemdaker World Population Day amungtsü, ta National Health Mission, Mission Director, Dr.Yankho Lotha-i sangdong ka nung metetdaktsü.
Iba anogomung nüngtem nung July 11 nungi 24, 2016 tashi Nagaland kübok tesem ajak nung Family Health Mela/ Population Stabilisation Fortnight ayongzüka amungtsü. Iba mapang sorkar mozüki ajak nung Family Planning methods angati agütsütsü.
Family Planning methods rongnung, Temporary- condom, IUCD (copper-T), PPIUCD (Post Partum IUCD), oral contraceptive pills aser Permanent methods – tebur atema Vasectomy aser tetsür atema Tubectomy alitsü, ta Dr.Yankho Lotha-isa shia lir.
Tubectomy agir nem sen 600 aser Vasectomy agir nem sen 1100 agütsütsü aser Government Health Units nung family planning method balala atema Counselling aser information angutsü.