Nagaland nung World Toilet Day amung

Kohima, Yimpoksüi (November) 19 (TYO): Alima den külemi tanü Nagaland nunga World Toilet day ayongzüka amung. PHED directorate Office nung “When Nature Calls” omen nung ajemdaker iba sentong agi.
The event was also celebrated across the state.
Sentong nung Commissioner & Secretary for PHED, Govt. of Nagaland Maongwati Aier, IAS aden.
2014 küm Clean India Movement tenzük aser iba ya alima nung merükmeju aser yimya melenshiba mapa tulutiba lir ta tanü Maongwati Aier-i ashi.
Mahatma Gandhi sor küm 150 ajungba anogo October 2, 2019 tashi nung India nung kima nung metsümeshiba anendaktsütsü alizüng yur iba mapa inyaker, ta paisa shisem.
2014 nung India Rural Sanitation coverage ji 39% dang liasü saka November 2018 tashi nung 93% kümogo. SBM ya temelenshi bener aruba mapa ka lir aser metsümeshi timi asüba ajanga linük nung chiyungtsü tajung peria machiba aser poksen ajanga nisung asüba khuret tajemba akümtsü, ta Maongwati-isa metetdaktsü.
Tang tashi India nung metzümeshidak million 85 shi yangluogo. Yimtsüng lakh 6 nungi yimtsüng 4,50,000 tashi ODF kümogo aser districts 699 nungi 460 tashi ODF kümogo. Yimtsüngtem nung grassroot motivators/ Swachhagrahis 4,50,000 shi mapa lemzükja lir, ta paisa shisem.
SBM indang takok tongshi 6 lir aser itemji, tematiba jenjang nung lenisüba, mission indang tongti teinyaktsü rongnung yimya melenshitsüba, Oct 2, 2019 tashi nung alizüng atongtsüba, mapa tajung aser tajangzük angutsüba, inyaktetbatem reprangshimtsüba aser metsümeshiba ya ajaki shilem agiba maparen ka lir (Jan Andolan) ta asübatem lir, ta Maongwati-isa lemsatep.