Nagaland nunga Falun Dafa tenzüktsü

Kohima, June 27 (TYO) : Nagaland nunga Falun Dafa tenzüktsü ta Uttar Pradesh nungi entrepreneur Chris aser San Francisco nung school tesayur Cornelia Ritter nati metetdaktsü.
Honibarnü KPC conference Hall, Kohima nung osangbener den sensaksemdang Chris-i ashiba agi, Falun Dafa ya 2000 küm nungi India nung tenzük aser küm ishika tejaklen Assam, Meghalaya aser Mizoram nungbo tenzükogo.
Falun Dafa ya 1992 küm Li Hongzhi-i mezüng tenzük aser iba ya akhidang temang aser tekolok atema practice ka lir. Tanü India densema linük 114 nung nisung crore 10 shi den temai Falun Dafa practice asür.
Falun Dafa dang Falun Gong ta-a ajar aser iba ya Buddha school self-cultivation indang  inyakyim lir.
Master Li-i tezülubatem ajanga Falun Dafa sayur aser item nung Falun Gong, Zhuan Falun, The Great Perfection Way of Falun Dafa, Essentials for Further Advancement, aser Hong Yin (The Grand Verses) dena lir.
Iba dak sendakba nung osang tejangja metetnürtemi www.FalunDafa.org nung reprangdangtsü akok.