Nagaland nunga PM den video conferencing agi

Dimapur, Mongputeni (October) 24 (TYO): October 24, 2018 nü NIC Civil Secretariat Kohima nung “Main Nahin Hum” portal aser PM Narendra Modi app sayaba sentong ka ayongzüka agi.
Tanü PM Modi-i India ajungalen IT aser electronic manufacturing professionals den sensaksem aser Nagaland nunga NIC portal (hhtp://pmindiawecast.nic.in) ajanga iba sentong live sayu.
NIC-isa Deputy Commissioner tem indang office nung lapoka aliba district centre ajak aser civil secretariat Kohima state centre nung iba service agütsü.
Iba portal indang omenji ‘self 4 society’ lir aser iba ajanga IT nisungtem aser teloktemi sabang ka nung lokti indang tebilemtsütem atema inyaktettsü aser lokti tenzüktsü akok.
Tanü Modi-i IT aser electronic manufacturing teloktem nungi teshimtet nübotem den jembi. Pai Town Hall New Delhi nung telok den jembi aser ibaji India kübok tesem 100 shi ka nung live video conference ajanga sayu.
Iba kasa sentong ya YouTube nunga live yok aser India ajungalen nisung lakh 5 shi kati reprang.
PM Modi-isa Bengaluru, Tech Mahindra Hyderabad aser tangartem den live video conferencing ajanga sensaksem.