Nagaland nunga Rashtriya Ekta Diwas 2015 mungogo

Dimapur, October 31 (TYO) : October 31, 2015 nü Secretariat Conference Hall, Kohima nung Rashtriya Ekta Diwas 2015 (National Unity Day) agi.
Iba sentong nung State Home Commissioner, Neihu C. Thur, IAS-i o jembidang, linük ajungai Sardar Vallabhbhai Patel tasoba anogo nung pa bilemteter, ta ashi.
Sardar Vallabhbhai Patel ya tanü India yangertetsang lir aser pa dang Iron Man ta ajar, ta Neihu-isa shisem.
Iba anogo nungsa linüki taoba Prime minister Indira Gandhi asüba anogo bilemteta akhümtsübu agütsür, ta paisa metetdaktsü.
Tanü agiba sentong nung mendenji Home Commissioner, Neihu C. Thur IAS liasü aser paisa National Unity Day tenangzükba agidaktsü.