Nagaland nunga Rashtriya Ekta Diwas amungtsü

Dimapur, October 30 (TYO) : Linük den tsüngsü medema Nagaland nunga October 31, 2015 nü Rashtriya Ekta Diwas amungtsü.

Honibar anüngdang 12:30 ako nung Conference Hall, Secretariat nung Rashtriya Ekta Diwas (National Unity Day) sentong agitsü.

Iba anogomung ya Sadar Vallabhbhai Patel asoba anogo nung amunger aser asüng sentong nung mendenji Nagaland, Chief Secretary alitsü.

Iba sentong nung Administrative Heads of Departments ajak den Secretariat nung officers aser staff ajak denang ta sorkari sangdong ka nung metetdaktsü.