Nagaland nunga tanü ERONET tenzüktsü

Dimapur, August 29 (TYO): Election Commission of India (ECI)-i Electoral Roll management atema ERONET tenzükogo aser iba ya Unified National Photo Electoral Roll database nung ajemdaker inyaker, ta Chief Electoral Officer, Nagaland-i sangdong ka nung metetdaktsü.
Nagaland nunga August 30, 2017 nikongdang 4:00 ako nung Deputy Commissioner indang conference hall nung ERONET tenzüktsü, ta sangdong nungsa shia lir.
Vote agütsür ajak züluoktsü nükjidong nung Election Commission-i ERONET ya tenzüker. Iba system ajanga Electoral Roll nung tenüng zübazüba züluoktsü akok.
Electoral Roll form tem zülur agütsüba ajanga electoral roll nung inclusion, modification, deletion mesüra transposition mapatem inyaktettsü.
Iba asoshi form temji National Voters’ Service Portal (NVSP) http://nvsp.in nung online ajanga agütsütsü akok aser ibaji ERONET nung inyaktsü.
Ano, Offline Form temji pei Assembly Constituency/ Polling Station nung ERO/ AERO/ BLO ajanga agütsütsü akok aser ibajia ERONET nung inyaktettsü.
Nagaland nung ERONET inyaktsü atema State aser District level nungi bangdak ketdangsertem ajak training agiogo, ta Chief Electoral Officer, Nagaland-isa sangdong nung shia lir.