Nagaland nunga World Bamboo Day amungtsü

Dimapur, September 16 (TYO) : Alima ajungalen September 18 nü World Bamboo Day amunger aser Nagaland nunga Nagaland Bamboo Development Agency-i iba anogomung ayongzüka amungtsü sentong lir.
World Bamboo Organization-i ayongzükba anogo nüngtem nung Nagaland Bamboo Development Agency-i September 18 aser 19 anogotem nung benjung amungtsü.
Iba benjungmung ya Nagaland Bamboo Resource Centre (NBRC), 6th Mile, Sovima, Dimapur nung alitsü aser handicrafts, furniture, bamboo shoot pickle o BBQ bamboo charcoal briquettes nungertem sayutsü aser ayoktsü.
Item denji külemi ‘Fun and Games’, tanurtem atema bouncy castle, free Wi-Fi zone, food courts aser DJs nungertem alitsü.
September 18, nikongtsütsü 1:00 ako nung ‘Green Circle’ Bamboo Amphitheatre (NBRC) nung benjung lapoktsü aser iba sentong nung Patkai Higher Secondary School choir-i ken atentsü, bamboo industry nung shilem balala agir nem sempet agütsütsü aser NBDA Team Leader-i o jembitsü.
Iba benjungmung nung nisung ajak arua adentsü pelashishia jaoker ta Nagaland Bamboo Development Agency-i sangdong ka nung metetdaktsüogo