Nagaland nunga World Population Day mungogo

Dimapur, July 13 (TYO) : Alima den liromedema Nagaland nunga July 11, 2015 nü World Population Day amung aser iba asoshi Zunheboto District Hospital nung State level sentong ka ayongzüka agiogo.

Iba sentong nung tongti tesemdangerji Shinavas IAS, SDO (Civil) Zunheboto liasü.

Shinavas-i Department ketdangsertem aser Zunheboto Women Hoho o Gaon Bura nungertem den jembidang, Department ajanga health teyari agütsübatem agitettsü asoshi nübor dang osang sangdongtsü ayongzük.

Tarutsü putu atema tanü lanur nem temang anepalubayim tesayuba, health services amshitsü aser social security coverage tesayubatem agütsütsüla, ta paisa ashi.

Sentong nung Dr. John Sweyievisa, Additional Director DH&FW Kohima-i Family Planning indang onük jembi.

Yimtsüng jenjang nung Family Planning indang osang proktsüla aser meteta lidaktsütsü. Iba atema mapa inyaktsü tesayubatem agütsütsüla. Ano Health Worker temia recording aser reporting mapa nendaka inyaktsüla kechiyong ibaji department atema kanga tongtipang lir, ta Dr. John Sweyievisa-i metetdaktsü.

World Population Day nüngtem nung “Mobilization Fortnight” ta ser June 27 nungi July10, 2015 tashi agi. Iba mapang nütsüng yongsük azüokba aser family planning indang temetettsütem metetdaktsü.

Population Stabilisation Fortnight mapang sorkar mozüki ajak nung teburtem atema Vasectomy aser tetsürtem atema Tubectomy, IUCD/ Copper-T nungertem angati agidaktsü.

Nagaland state atema Dr. John Sweyievisa, Addl. Director, DH&FW aser Dr. Obangjungla, Deputy Director na lenisüba kübok iba mapa inyak.