Nagaland nungi NCC cadet tem skiing course agi

Dimapur, March 30 (TYO) : March 19-25, 2016 tashi NCC Group HQ, Kohima-i teyari agüja NCC senior wing Cadet trok tashi Indian Institute of Skiing and Mountaineering, Gulmarg nung Snow Skiing Course agi.
Parnok trokji, St Joseph College Jakhama nungi JUO Vinuo Kense, Cadet Sentimeren Longkumer, Yipen Kikon, Lanutemsu Jamir, Kohima College nungi
Sgt. Shayhunlo Tep, aser Fazl Ali College Mokokchung nungi Sgt Mongkesekum Chang nungertem lir.
Iba ya adventure training kübok shilem agiba lir aser cadet temi takok ngua shilem agibaji Nagaland State aser NCC Group HQ, Kohima atema nüma atangtsü mapa ka lir.
NCC Group HQ-i 2016-17 tsüngda mountaineering & skiing courses, Treks, Rifle Shooting courses, National aser Special Integration Camps nung shilem agitsü atema Nagaland nungi Cadets aser tesayur 200 den tema yoktsü sentong lir.