Nagaland nungi nisung ana nem Padma Shri agütsü

Dimapur, Metsüremi (March) 21 (Agencies): Sangtennü ((Mongulbar) New Delhi nung India Tir Ram Nath Kovind-i Padma sempettem agütsüdang Nagaland nungi nisung ana- Lentina Ao Thakkar aser M Piyongtemjen Jamir nati iba sempet agizükogo.
Rashtrapati Bhavan nung agiba sentong nung Vice-President M Venkaiah Naidu, Prime Minister Narendra Modi aser minister aika den tongti ketdangsertem aden.
Watsü Lentina Ao Thakkar ya social worker ka lir aser külen Wabong M Piyongtemjen Jamir ya scholar & tesayur ka lir.
Wt. Lentina ya Gandhian ka lir aser Nagaland kübok Chuchuyimlang yimtsüng nung lai küm aika Gandhi Ashram nung tenzüka aru.
Wb. Piyongtemjen-i kaketshir 4000 dak tema sayutetogo aser tanü pai sayur kaketshir 1000 shi Hindi tesayurtem lir.
Taküm Padma awards 84 tashi agütsü aser sempettem rongnung duo sempet ana lir.
Sempettemji Padma Vibhushan 3, Padma Bhushan 9 aser Padma Shri award 72 lir.
Küm shia Republic Day amungtsü lia Padma Vibhushan, Padma Bhushan aser Padma Shri angurtem tenüng metetdaktsür.
Item sempet ya art, literature and education, sports, medicine, social work, science and engineering, public affairs, civil service, trade aser industry wadang balala nungi repranga agütsür.
Tanüngba Padma awards 2018 angutsüpurtemji Rongchii (April) 2, 2018 nü sentong ka ayongzüka agidang agütsütsü.