Dimapur, Aenjeti (January) 16 (TYO): HQ IGAR (North)-i yaria Nagaland nungi National Integration Tour telok kati Delhi nung India Tir Ram Nath Kovind den ajurutep.
Phek district kübok Thurutsuswaumi yimtsüng nungi tain 30-i Aenjeti 15, 2018 nü Rashtrapati Bhawan nung Tir Ram Nath den ajurutep.
Iba mapang Tir Ram Nath-i taintem dang linük kübok tesem balala sema senzüba nung tajangzük angutsü aser ibaji pei state nung oa lemsateptsü aser renlokdaktsütsü atema ayongzük.
Nagaland nungi aoba NIT teloki Tir Ram Nath nem sempet ka agütsü aser iba sülen pa den külemi noksa ka tangok.
Parnoki Delhi nung hopta piyong mungzükdang Lotus Temple, Qutub Minar, India Gate aser National Museum tem semdangtsü sentong lir.
Nagaland nungi NIT teloki India Tir den ajurutep added by asungba on
View all posts by asungba →
You must be logged in to post a comment Login