January 23, 2016: Moa Lemtur mapa ya online nung kangabo mangutsü ajisüaka pa mapa asangsang nung agudang pa sempet tajung ajitettsü.
Pai shinga teyari mebushi-i pa sasa noksa yanglutsü tenzük aser pai canvas amshia noksa yangludang ‘oil’ aser ‘acrylic’ na amshia meimlaba noksa tajungtem yangluteter.
Tanur asüdang nungi pai noksa yanglutsü tenzük ajisüaka 2013 küm nungi ang pai iba mapa kanga reta agi.
Moanungsang Lemtur ya 3D animation nung diploma agiogo ajisüaka pai animation mapa kangabo mejangrar.
Pai noksa yanglutsü, süng o long agi noksa chitettsü, ki asütsü asoshi design yangluba aser furniture yanglutsü kanga jangrar.
Item mapa nung tejangraba arur mapang talangka lir külen pai design asüdang nüngdakba oset aser yimyatem angazüktsü telemtetba agi.
Pa mapa inyakba mapang music, movie aser kaket balala ajanga pa kanga ajungmesor ajisüaka ajak dang alia Vincent Willem Van Gogh-i pa kanga ajungmesoa liasü.
“Noksa tajung yangluba mapang ni kanga kümdanga inyaker aser akok tashi nüngdakba ajak enoktsü meranger. Anogoshi tangazüktsü aikadang lir aser pei inyakba mapa agia mulung masütsüsa mapangi bentsür arur,” ta pai ashi.
Graphic design mapa inyakdang pai meteta aliba technical shisatsü amshir. Pa dang Pune nung lir aser ‘Therefore Design Studio’ nung inyaker.
You must be logged in to post a comment Login