Nagaland nungi sample 10 indang osang mangu lir

Dimapur, April 15 (TYO): April 15, 2020 tashi nung Nagaland nungi COVID-19 tendangtsü atema sample 184 bener yokogo aser iba nung tanü sample 7 bener yokba dena lir, ta Principal Secretary, Home, Abhijit Sinha IAS-i ashi.
Taonung 6:00 ako tashi nung sample 174 tashi ‘negative’ ta putetogo aser sample 10 indang osang ano mangu lir, ta paisa ashi.
NHAK, Kohima nung BSL-3 Lab yanglutsü atema osettem asüngnep Nagaland tonga arutsü imlar. Tsüngsang-mopung jungra Indian Air Force tayimtsü ka ajanga bener arutsü, ta Abhijit Sinha-isa metetdaktsü.
“May 3, 2020 tashi state ajunga shibangtsü atema mapang atsülangogo. Iba ya Novel Corona Virus noktangtsü aser prokshiba azüoktsü atema lir. Anungji nisung ajaki tenokdangba balala sülen tashi angaa anidakba atema pelar” ta paisa ashi.