Nagaland Parents’ Association for Disabled-i aitsür

Dimapur, February 2 (TYO) : January 30, 2016 nü Police kati tekolok agi tangar meneper tetsür chanu ka shi nung tashiyim agi raksatsüba kukua aitsür, ta Nagaland Parents’ Association for Disabled (NAPAD)-i sangdong ka nung metetdaktsü.
Tashiyim agi raksatsüsangji bail nung mechioktsüla aser ozüng tapet agi merenshitsü takhangba agütsür, ta NAPAD Tir, Christina Mor aser Tezülur, Kapochu-o Naleo nati sangdong nung shia lir.
Iba tatalokba nung takoksa ajurur nem sorkari senotsü teyari agütsütsüla aser la taküm liyonga aotsü atema yaritsüla. Nagaland nung ibala tesempatsü mapa inyakba aser ano talisa shi aser tekolok nung tangar memeneper ka dak tashiyim mapa inyakba ya tangatetba shitak alir ajaki aitsütsüla, ta NAPAD mendenpurtemisa metetdaktsü.