Nagaland PHED nung küm 30 tema field staff (w/c) inyakertemi telok ka tentet

Dimapur, July 2 (TYO) : Nagaland PHED nung küm 30 den tema field staff (work charge) inyaka arurtem July1, 2016 nü parnok service regularization ken o atema Secretariat Kohima kima nung rongdak senden ka amen.
All Nagaland PHED W/c field Staff inyakertem senden nung district unit ajak nungi küm 30 tema mapa inyakertem aden, ta Group I/C PHED, Vitoho Sumi-i sangdong ka nung metetdaktsü.
Senden nung W/c 30 years & above employees-i ANPHEDFSA kübok telok ka tentettsü atema telemtetba agi aser Nagaland sorkari regularization order ken o metembang tashi Tir, N. Zhekugha Assumi aser Tongti tezülur, Z. Yampamo Lotha na lenisüba kübok iba teloki mapa inyaktsü bangzünga renem, ta Group I/C PHED sangdong nungsa shia lir.
Ano, W/c 30 years & above telokji Lonching Konyak, Mon aser Vitoho Sumi, Dimapur nati yariteptsü.
Iba telemtetba nung unit balala aser küm 30 teküpok mapa inyakertemi mashishiteptsü mepishir, ta /c 30 years & above telokisa metetdaktsü.
Parnoki state sorkar nem hopta ka tsüngda telangzüba tajung ka agütsütsü mapang latettsüogo aser iba mapang süiba sülen parnoki junger ta bilemba mapa inyaktsü, ta sangdong nungsa shia lir.