Nagaland ‘plastic free’ akümtsü meranger; October 2 nü state ajungalen nübodoktsü

Dimapur, September 30 (TYO): September 30, 2019 nü Nagaland Chief Secretary Temjen Toy, IAS-i “Swachhata Hi Seva” – Cleanliness is Service 2019 dak sendakba onüktem jembitsü atema AHoDs aser HoDs senden ka menogo.
Senden nung Chief Secretary Temjen Toy-i plastic agientsüba indang osang metetdaktsü aser October 2 nü plastic jana bendena cement factory-i yoktsü ta ashi.
Iba senden nung Urban Development & Municipal Affairs Principal Secretary, Himato Zhimomi-i ‘Swachhata Hi Seva’ indang osang tejangja metetdaktsü.
Mahatma Gandhi sor küm 150 ajungba tenüng nung September 11 nungi October 2 tashi maparen inyaker, ta Himato Zhimomi-i ashi.
Swachhata Hi Seva ta asüba ya plastic amshiba anenang ta asüba lir aser iba mapa ya October 2 nungi October 27, 2019 tashi inyaktsü, ta paisa ashi.
Senden nungsa department balala parnok tebilembatem lemsatep aser Chief Secretary-i plastic free State takok angutsü atema ajaki merangtsü imlar, ta metetdaktsü.
October 2, 2019 atema mapalem:
Department ajak dangi tetutyuba
# Office ajak Single-Use Plastic Free ta sangdongtsü.
# Office ajak nung Swachhata Hi Seva tezüngzüktep agitsü.
# October 2, 2019 nü Plastic jana bendenba mapa nung ajaki shilem agitsü.
# Plastic mi agi merongdoktsü atema office ajak nem tetuyuba agütsütsü.
# Swachh Manch Portal nung upload asütsü atema mapa inyakba osang den hard & soft copy nung noksa aser video tajung agütsütsü. Plastic jana bendentetba osang dena alitsüla
Department balala dangi alakteta tuyuba:
Rural Development Department aser PHED:
# Yimtsüng ajak nung Awareness Campaign.
# Yimtsüng ajak nung plastic collection centres peria yanglutsüba.
# October 2 nü yimtsüng ajak nungi jana bendentsü aser shimdangtsü.
# October 7, 2019 tashi nung yimtsüng ajak nungi ULB Material Recovery Facility (MRF)-i jana bener arutsüba.
Urban & Municipal Department:
# Urban area ajak nung Awareness Campaign.
# Ward ajak nung plastic collection centres peria yanglutsüba.
# ULB shia nung Material Recovery Facility (MRF) lapoktsü.
# Ward level collection centres nungi MRF tashi jana bendena bener aotsü.
# Urban Development Department indang office nem hard aser soft copy nung osang den noksa aser video tajung agütsütsü.
# ULBs ajak nung lokti nübodoka plastic waste collection drive inyaktsü.
# Plastic jana bendentetba osang metetdaktsütsü.
School & Higher Education rejutem:
# School aser College ajak nung Awareness Campaign agitsü.
# Kaketshir aser school ketdangser ajak nem tezüngzüktep agidaktsütsü.
# School/college ajak nung plastic jana bendentsü atema plastic collection centre peria yanglutsü.
# October 2, 2019 nü plastic waste collection drive ayonga inyaktsü.
# Bangdak Department dangi hard & soft copy nung osang den noksa aser video tajungtem agütsütsü.
PWD- National Highways and Road & Bridges:
# October 2, 2019 nü State Highways aser National Highways aser külentzü ayimdak plastic waste collection drive mapa inyaktsü.
# October 7, 2019 nü Highways nungi ULB Material Recovery Facility (MRF) tashi plastic jana bender aotsü.
# Osang den noksa tajungtem agütsütsü.
# Gari lenmang yangluba mapa nung plastic ashitsü asoshi lenmang bushiteptsü.
Police & Paramilitary:
# October 2, 2019 nü Offices, battalion units aser camp tesemtem nung lokti nübodoka plastic waste collection drive inyaktsü.
# District Administration nem nübo aser osettem ajanga teyari agütsütsü.
Industries & Commerce:
# Plastic bags melena amshitsü yanglutsü atema entrepreneurs aser Self Help Groups ajiteta yaritsü.
Tourism, Sports & Youth Resources, Art & Culture:
# Hotels, lodges, tourist destinations/spots, play grounds & stadiums nung lokti nübodoka plastic jana bendentsü.
Hotels aser Restaurants dang Single-use Plastic free ta sangdongdaktsütsü aser plastic jana bendendaktsütsü.
Health & Family welfare:
# October 2, 2019 nü Nagaland kübok hospitals/clinics (Govt. & Private) ajak nung lokti nübodoka plastic jana bendentsü.