Nagaland Police-i Brown Sugar seret 1 apu

Dimapur, July 22 (TYO) : Narcotics Cell, PHQ, Nagaland-i Bihar leni aoba Bus gari ka nung Brown sugar seret 1 shi apu.
Police-i apuba Brown Sugar indang jenjangji international market nung sen crore 1 shi jenjang lir, ta SP(Crime)& PRO, Nagaland Police, M. Tungoe, IPS-i metetdaktsü.
Ozüng alema shibelenba mozü abenerji Bihar kübok Motihari District nungi Raman Kumar la jangjaogo. Pai police dang ashiba agi bus gariji Bihar tonga aoba sülen pai memetetba nisung ka nem agütsütsüba liasü.
Iba dak sendakba nung ken o ka benokogo aser maneni bushisüngdang südar.
Ano, tanga tatalokba ka nung Nagaland Police telokkati Kolkata nung Ponzi scam nung tai tonglokja alir ka apu.
Iba nisungji Chandan Sinha Roy lir ta jangjaogo aser pa ya Ever Light Realcon Infrastructure Limited (ERIL) nung Board of Directors züngsem liasü. ERIL ajang nisung noklang aika dang nungi sen crore aika ashiokja agiogo.
Iba dak sendakba onük bushisüngdangtsü atema SIT ka tentet aser tang tashi nung parnoki nisung 10 anema Charge sheet agütsüogo. Taoba mapng SIT-isa Jharkhand nung Biplap Kumar Dey ta ser tai tonglokja alir ka puogo.