Nagaland police ketdangser ka nem COAS Commendation agütsü

Dimapur, February 9 (TYO) : Army Day 2016 amungnü Peren District nung Police ketdangser ka nem Chief of Army Staff (COAS) Commendation agütsüogo. Police ka nem iba ama Commendation agütsüba ya tan mezüng lir.
Peren District nungi Nagaland Police nung Sub Inspector P R Zeliang-i Nagaland renloktsü lenmangtem nokdangba tim masüba inyakyimtem anendaktsütsü asoshi bendanga agüja inyakba reprangteta pa nem COAS Commendation ya agütsü.
Assam Rifles tem den külemi mita aoba mapang lendong agütsür aser ajaki tsübua aliba telungpur ka apuba den raradang amshiba oset aika ngutetba atema pa nem iba Commendation card ya agütsü.
Jalukie nung February 01, 2016 nü 18 Assam Rifles Commandant lia, 6 Sector Assam Rifle Commander-i iba award pa nem agütsü.
Iba award agütsüba sentong nung Peren DC, Peter Lichamo, Peren SP Vikluto John, aser P R Zeliang’er kibong den 18 Assam Rifles tem dena nübur jenti arua dena liasü.
Army Day, 2016 amungnü linük rangben nungi COAS Commendation angusangji Sub Inspector P R Zeliang kija lir.
6 Sector Assam Rifles Commander-i pa nem iba medal kahloktsüba mapang P R Zeilang’er kinüngertem tepela nüktzü aluba ngua ajak mulungjang nung kanga kongshi.
Iba sentong linük naklu ken tena tenzük aser Assam Rifles temi parnok omen ‘Tenem nübur den tembar’ atalokdakja litetba atema DC o SP naprongi tenüngsang agüja liasü.