Nagaland Police (Red) NSF asayamong final-i iogo

Kohima, October 19 (TYO): Nagaland Police (Red) teloki külem Nagaland Police (Blue) telok semifinal asaya nung tsükdakja, tang tasayadak 17 buba NSF Martyrs’ Memorial Trophy asayamong final-i tanü, Bodbar nü iogo.
Tanü mezüngbuba semifinal asaya nung Red teloki goal 4-1 agi Blue telok madak takok angu.
Tanü asaya tenzüker minute 26 buba nung Imsumanen-i külem asayar, Namdaibong Zeliang-i renemtsüba cross ball agizüka, par Blue telok asoshi 1 buba goal agütsü.
Ajisüaka, Red asayar, Kekhrie-i minute 42 buba nung goal-ji meyiptsüba den külem asayar, Aton-i minute 43 buba nung goal 1 agüja, par Red telok temaba jenjang nung ajungkettsü.
Tesülen, asaya tenzüker minute 79 aser 80 buba nung Lima Kumzuk-i goal 2 tashi atonga agütsüba yong par Red teloki tanü asayaji kokadok.

October 20 nü asaya yamai alitsü.
1. Exhibition match: Kohima Bar Association vs ASU Seniors @ 10am
2. 2nd Sem-Final: Barak FC Peren vs Forerunners FC, 4th NAP @ 1:00 PM