Nagaland Press Association lokti senden amen

Hotel Saramati, Dimapur nung Metsüremi/March 04, 2019 Hombarnü NPA lokti senden agiba sülen Nagaland Press Association züngsemtemi tang tasen shimba NPA tir aser general secretary den külemi tangokba noksa nung angur. 

Dimapur, Metsüremi/March 04 (TYO): Dimapur kübok Hotel Saramati nung March 04, 2019 Hombarnü Nagaland Press Association-i lokti senden ayongzüka agia liasü. Iba senden nung NPA ketdangpur tasen shima liasü. NPA nung ketdangpur tasen tenüngtemji Nomination Committee-i lokti dang benoka liasü, koba olemtep agiba sülen telok ajaki mulunga agizük.
March 4, 2019 nü NPA lokti senden nung ketdangpur tasen shimer tenüngtem yamai alitsü:
1. H. Chishi-President
2. Limalenden Longkumer-Vice President
3. Dilip Sharma-General Secretary
4. Alice Yhoshu-Joint Secretary
5. Abraham TK-Finance Secretary
Kasa senden nung Newspaper office tem nung inyaker Executive Members 6 (six), koba journalist asem aser non-journalist asem densema lir parnok ya tekaraba nung shimtsü ta telemtetba agiogo.
Maneni, NPA Constitution indang Arrla XII nung shia aliba ama Editors/Publishers ajak longjema Advisory Committee tentettsü ta telemtetba agia liasü.