Dimapur, February 28 (TYO): February 27, 2016 nü Dimapur nung “Nagaland Public Rights Awareness and Action Forum (NPRAAF)” ta ser telok ka tenzükogo.
Iba telok tasen indang omenji “Ajak asoshi temeten” lir aser social activists, okatsürtem aser tazüngertemi loktiliba nung shilem ajak temeten kasa angutsü atema tentet, ta NPRAAF sangdong ka nung metetdaktsü.
NPRAAF nung Tir, Miss Wedieu Kronu aser Tezülur, Hito Swu na lenisüba nung ketdangpur tenet shima lir.
Public, nija mesüra sorkar maparen nung temeten mangur kija mesüra telok asoshi NPRAAF-i mapa inyaktsü. Iba Forum ajanga public temeten, tajangzük aser pei teinyaktsütem indang metetdaktsütsü merangtsü, ta sangdong nungsa shia lir.
NPRAAF-i nübortem indang khurettem agizüka angadangtsü aser Legal assistance agüja yaritsü. NPRAAF headquarters ji Dimapur nung asütsü aser iba nungi Nagaland kübok tesem balala nung kongsangtem tenteta aotsü. Osang tejangja metetnürtemi Email – npraaf16@gmail.com mesüra 9862271646 ajanga tongteprateptsü akok, ta NPRAAF-isa metetdaktsü.
You must be logged in to post a comment Login