Nagaland public transport mozü agi merüktettsü

Guwahati, March 13 (Agencies): Nagaland nung COVID-19 prokshiba azüoktsü atema Transport minister P Paiwang Konyak-i public transport nung mesen tepsetba mozü amshitsü atema tetuyuba agütsüogo.
Public transport nung state helicopter, bus aser taxi tem dena lir aser iba mapa ya district ajak nung inyaktsü atema Minister-i tetuyuba agütsü.
Paisa Nagaland district balala nungi Assam adena senzüba bus garitem Assam nung manenzüktsü atema osang metetdaktsü.
“Linük nung COVID-19 prokshiba atema nübortemi tsübuteper aser iba atema Nagaland sorkari tebilemtsü abener” ta sangdong nung shia lir.
“Health and Family Welfare department-i Nagaland nung COVID-19 noktangtsü aser prokshiba azüoktsü atema mapa ajak renema inyaker” ta sangdong nungsa metetdaktsü.