Nagaland Pulp & Paper Company Limited (NPPC) nüngja, Lapokba nükjidong, tang (Present) tia aser teinyaktsü kar

~ L. Chuba,  Tzüdikong Town.

Mezüngbuba nung ajaki metettsüba kaji iba mill dang ya “Nagaland Pulp & Paper Company Limited” mesüra NPPCL ta ajar. Delhi, Kolkata mesüra asenok sasep nunga jembishinüdang Tuli Paper Mill mesüra Paper Mill ta dang jembira/jara aji kiburi pei meyong oset nüngja memetet ta tangari menütsütsü aser advantage-a agitsü. Kechiyong nüngja ya odang jatetba masü, Govt of India-i May 29 1970 nung Hindustan Paper Co-operation tentettsü. Iba sülen HPC-i Mill pezü pongu lapok, Karbo Paper Mill dang saka tia kaa NPPC yabo Pulp & Paper yangludak, tetezü mill tapu ana yanglu, ibajaki sanction sen aika aru, employment maongka aika angu, contract mapa-a aika adok ta talisa ketdangpur mesüra NPPC atema jembitsüpurtemi angajemtsü nüngdaker.
Angazükba agi NPPC tang yanglushiba yabo Paper Mill (paper yanglutsüba) atema ang DPR nung lir ta jembir, aji shitaksüra Pulp Mill jibo koda? Pulp medeniang paper kodanga meyanglur aser tanga lima nungidang pulpji anogoshia bener arua paper yanglura tajangzük lidima? Aser tajangzük melira millji yanglushitet nunga akhi ama anenadoktsü.
HPC-i mashioktsüi yanglushiteta inyak ka asünunga Pulp Mill Plant meyura/meyanglura NPPC ya 50% dang küma adoker kechiyong NPPC nung plant tulutiba rongnung Pulp Mill aser iba dak sendakba, soda Recovery Plant, Caustic Chlorine plant, Digester plant, aser Hypo Plant, etc. item amala Plant ajakji menüngdak akümer, plant paikaji shibanga adoktsü. Anungji tang pei sasa metsüok ama jayajakotsü mesüra jembitsü mapang masü saka asen nem tamalen kechi facilities agüja liasü ajakji mesamadaktsüi inyakang ta akangtsü mapang lir.
NPPC revival asütsü 2007 nung Rs. 552.44 crore Govt of India-i sanction sütsü yang nungjaki Rs. 54.60 crore tashi agizüka mapa tilateri kar inyaka sayuba sülen anenadoktsü. HPC-i parnok ajangzüktsü mechi tatemtsü tiyazü kuli aika sayu, idangji Nagaland Govt-i kecha mesüi toktsü.
Tanga Govt of India-ibo kanga meima 4th June 2013 nung Rs. 679 crore sanction sütsüogo aser 19th September 2013 nung sen Rs. 100 crore HPC nung Chairman Cum Managing Director nem order yamai zülur agütsü.
1.    No funds will be diverted under any Circumstances and CMD, HPC will be held responsible for any diversion or misappropriation of funds.
2.    CMD, HPC shall be personally responsible for proper utilization of these funds.
3.    CMD, HPC shall be personally responsible for compliance of provisions of the companies Act.
Govt order tesashi yamaji aika nung amshiba mongudang saka asen State Govt tashi maitba meteta alinung kecha metsübui Rs. 60 crore tashi tangalen diversion süa amshir, ibajaki NPPC revival mapa ajak anenogo kechiyong contractor nüm sen magütsür. Iba den NPPC Employer nema mapang shitak nung ita sen magütsüba angur, ano tasürtem tangutsü tim mesüra retirement nisungtema tangutsü tim magütsür. Talisa Naga nunger lanur degree tajung ngur interview nung atemshia takok ngur arua join asürtem tanü tashi mesüshia training period nung yuja lir.
1970’s mapang tang aliba NPPC ya tanga State nunga lapokteta state aika liasü saka Govt of India-i Naga nunger employment ajungkettsütsü talisa Industrial Culture angazükdaktsütsü nükjidong tajung liasü, tanü kasaji Govt of India-ibo sen sanction sütsüogo saka HPC-i aji diversion süa amshiyonga Naga nunger yimsüsurtemi anir tebushir shinga mali. Tang tashi nung Nagaland tatar senden nung kwiben NPPC atema jembia lir? Kwiben NPPC atema Delhi, Kolkata-i oa jembia ali? Prime Minister den mesüra Heavy Industries department ketdangsür den kwiben jembia ali?
Joko Tuli Area Joint Council Forum-ibo ola adok tenzükogo, yakta lokti balala semlokyonga aotsüsa akümtsü, kechiyong tanü Naga nungertema lanurtemi anir lokti tashitait aika lir.
Kanga memenudang State Govt. nung tatartemi mesüra teinyaktsü lemzükja alirtemi NPPC nem kechi sanction agüja ali aji shitak bener arudaktsütsüla. Talisa NPPC nung koba Managing Director (MD) Post lir sürnung nisung yoka mali ibaji tekaratiba nung appoint südaktsütsüla. Kechiyong HPC-i NPPC nung MD Post tazüng yuja alibaji meyok tashi sanction aruyonga anosa timtem adoktsü, anungji züzüa melii asen tangutsü tim aliba ajak meshizüka/jembizüka inyaktsü kanga nüngdak ta ajitetba kar lemsateper.