Nagaland: Sample 392 nungi 100 indang osang mangu lir

Dimapur, April 18, 2020 (TYO): Honibar nikongtsütsü 6:00 ako tashi nung Nagaland nungi sample 392 tendangtsü bener yokogo aser iba nung tanü sample 62 bener yokba dena lir, ta Principal Secretary, Home, Abhijit Sinha IAS-i ashi.
Tanü nikongtsütsü tashi nung sample 292 indang osang anguba nung ajak negative ta aruogo. Tanüngba sample 100 indang osang ano mangu lir, ta paisa ashi.
Department of Health & Family Welfare-i All Nagaland Counsellors Association den yaritepa Covid-19 wara ajanga shisabulurtem nem counselling services agütsüdar. Iba teyari aginürtemi 7005251298 dangi WhatsApp ajanga osang yoktsü akok, ta Abhijit Sinha-isa metetdaktsüogo.
Linük ajunga shibangba sülen tanü agi anogo 25 buba abensaogo aser tanü tashi nisung ajaki tenokdangba balala sülen anidakba atema kanga pelar. Maneni, District Administration aser Police-i mapang shia tetuyuba balala agütsüba sülen anidaktsü mepishir, ta paisa ashi.