Nagaland sorkar aser Manipal University tsüngta MoU ka zülutep

Dimapur, Rongchii/April 13 (TYO): Investment and Development Authority of Nagaland (IDAN) ajanga ketdangsüa Manipal Academy of Higher Education (MAHE), Karnataka aser Department of Health and Family Welfare (DHFW) Nagaland aser Directorate of Technical Education (DTE), Nagaland tsüngta Memorandum of Understanding (MoU) ka April 13, 2023 nü zülutepa liasü.

Nüburtem aser matamabensar tem shisatsü tatongba aser sobaliba terenlok tali tajungba kumdaktsütsü asoshi lungjemer ajaklen ajangzüktsü nükjidong nung iba MoU ya zülutepa liasü.

MAHE ya India nung university tajungtem rongnung ka lir aser parnok ket nung technical aser professional tsütsü takotet nisungtem lir. MAHE ket nung education aser training agütsütsü facility lir aser wadang balala nung research agitsü facility lir aser India nung ‘allied and healthcare professionals’ atema mezüngbuba college temeja balaka lir.

MAHE yagi under graduation, post-graduation aser PhD degrees tem agütsür.

Iba MoU zülutepba ajanga Nagaland sorkar den MAHE ama agreement balala züluteptsü asoshi educational institutions tajung aser tulutem tali adoktsü imlar, koba ajanga Nagaland nungi kaketshirtem asoshi academic tsütsü aser capacity building tsütsü maongka tali angutsü.

Manipal Academy of Higher Education (MAHE), Karnataka nung aliba BSc Radiotherapy technology, BSc Anesthesia technology, BSc Emergency Medicine Technology, Bachelor of Audiology & Speech Language, Bachelor of Occupational Language, Bachelor of Optometry, Bachelor of Physiotherapy, BSc Cardiovascular Technology, BSc Clinical Nutrition & Diabetes, BSc Exercise & Sports Sciences, BSc Health Information Management, BSc Medical Imaging Technology, BSc Laboratory Technology, BSc Laboratory ( Lateral), Bachelor of Optometry ( Lateral), BSc Medical Imaging Technology (Lateral), BSc Nuclear Medicine Technology, BSc Perfusion Technology, BSc Psychology, BSc Respiratory Therapy, BSc RRY & DT, BSc Physician Assistant aser Bachelor in Prosthetics & Orthotics atema küm shia Nagaland nungi kaketshir asoshi menden 200 agütsütsü.

Course nung shilem ka ama shimtetba candidate tem ajunga bendang lima nung maongka agitettsü asoshi foreign language training agitsü aser iba training ya MAHE ajanga agütsütsü.

Menden wazüktsüba den külemi Nagaland nugi program 11 atema merit nung shimba kaketshir nem tang aliba fee shilem 25 agi tajemba agitsü. Tsürabortem senotsü khuret ajemdaktsütsü mechi IDAN aser MAHE ajanga tejangrar nem educational loan tem agütsütsü.

Iba sentong nung shilem ka ama MAHE aser Nagaland sorkari MoU atsülangtsü atema lenmang bushia BSc Nursing aser MSc Nursing aitdaktsütsü aser Articulation Programme for Commerce and Health Informatics atema India nung küm ana aser bendang lima nung küm ana training agütsütsü lenmang bushitsü.

Manipal Academy nung item undergraduate health professional programs agitsü jangra aliba kaketshir temi Capital Convention Hall, Kohima nung April 14, 2023 nü aser Tetso College, Sovima nung April 15, 2023 nü “Launchpad Education & Career Fair 2023” alidang MAHE ajanga lapokba stall nung oa metetbela sütettsü.

Item course indang fees structure tejagja IDAN indang website nung agütsütsü.