Nagaland sorkar aser SBI tsüngda MoU sign asü

Dimapur, December 20 (TYO): December 20, 2017 nü Nagaland sorkar aser SBI LHO, Guwahati tsüngda Memorandum of Understanding (MoU) ka sign süogo.
Finance Department, Civil Secretariat, Kohima indang conference hall nung Treasuries & Accounts Principal Director, Tiayanger aser Transaction Banking Unit, SBI, Local head office Guwahati Deputy General Manager, Deshpande nati MoU nung sign asü.
Iba sentong nung Principal Secretary & Finance Commissioner, Temjen Toy IAS aser tanga sorkar ketdangsertem den DGM Transaction Banking Unit, SBI corporate office Mumbai nungertem aden.
Sentong nung Temjen Toy-i o jembidang Guwahati aser Mumbai nungi SBI ketdangsertemi iba mapatong atema temulung agütsüba atema pelaba metetdaktsü.
Naga nungeri digitization sülen anidaktsü atema mapang agitsü, anungji Finance Department aser SBI-i bendanga agüja mapa inyaktsü ayongzüker, ta paisa ashi.
Iba mapatong ya cash management products atema lir aser asenoki Nagaland state nung e-payment aser e-billing indang osang prokshitsüla, ta Tiayanger-ia o jembidang ashi.
Guwahati aser Mumbai Corporate nung aruba SBI ketdangsertemia o jembidang Nagaland nung digitization maparen inyaktsü atema tayongzükba agütsü.
Sentong nung mendenji Regional Business Office, Dimapur, AGM, SBI, Paogin Haokip liasü.