Nagaland sorkari moko noktanger

Dimapur, July 16 (TYO) : Nagaland state nung moko yangluba, ayuba, ayokba aser gutkha, pan-masala, zarda amala tenüng nung tachitsütem ayoktsü memelar, ta state sorkari tetuyuba agütsüogo.
Nagaland state nung tobacco mesüra nicotine aliba tachitsütem noktanger aser iba ya Food Safety & Standards (Prohibition & Restrictions on Sale) Regulations, 2011 nung ajemdaker tetuyuba agütsür. Public health dak sendakba nung iba telemtetba agiogo, ta Food Safety Commissioner, M. Patton-i sangdong ka ajanga metetdaktsü.
Iba tetuyuba anema inyakertemji Food Safety & Standards Act, 2016 nung Arla 59 kübok merenshitsü, ta paisa metetdaktsüogo.