Nagaland sorkari NSCPCR züngsem shim

Dimapur, June 6 (TYO): Nagaland sorkari Nagaland State Commission for Protection of Child Rights (NSCPCR) nung züngsem asütsü atema Kuda Village, Dimapur nung alir Zhalievino Peseyie shimogo, ta Social Welfare Department-i sangdong ka nung metetdaktsü.
Lai iba mapa agizükba anogo nungi tenzüker Commission-i iba Act kübok tashi amshitsü aser mapa inyaktsü, ta sangdong nung shia lir.
Social Welfare Department sangdong nungsa ashiba agi, NSCPCR indang Headquarter ji Kohima asütsü aser Chairperson o Member temji mapa inyakba anogo nungi tenzüka küm 3 kümsük atema inyaktsü.