Nagaland Sorkari Reservation Policy sangdonger

Kohima, September 10 (TY0): Tang Nagaland sorkar reservation policy inyakyim nung state sorkar kübok mapa tazüng ajak nung direct recruitment ajanga shimba shilem 25 ji backward tribes trok- Konyak, Phom, Sangtam, Chang, Yimchunger aser Khiamniungan atema wazükja lir, ano kasaji shilem 4 Zeliang aser Chakhesang tribe atema wazükja lir aser Kiphere district nung Sumi aser Pochury tribe na nem shilem ana-na wazükja lir, aser ajakji senteper shilem 37 adoker, ta sorkari metetdaktsüogo.
Anungji sorkar mapa atema direct shimba mapang temalen metetdakja aliba ama sorkar reservation policy nung ajemdaker shimtsüla ta sorkari Department ajak aser mapa nung shimer ketdangser ajak dang metetdaktsüogo.
Tang aliba state sorkar reservation inyakyim nung ajemdaker mapa nung shimtsü atema Department Service Rule shia ozüng kaka alitsü.
Department kar nung danga nüngdakba ama telatetba mesüra ozüng tejangja ka Department’s Service Rule nung melira, idangyongjisa iba Department jagi Department Service Rule nung ozüng ka atema temepishiba ka benoktsü, aser Department Service Rule yanglushiba maparenji October, 2015 matemdangsa tembanga inyaktsü, ta sorkarisa metetdaktsü.