Nagaland sorkari Rs 865.30 crore alang UCs 255 magütsü

Kohima, February 19 (TYO): Nagaland sorkar department temi March 2018 tashi nung mapa 255 indang ‘utilization certificates’ magütsü aser iba ya Rs 865.30 crore endoka inyakba mapatem liasü, ta Comptroller and Auditor General (CAG) of India-i metetdaktsüogo.
Utilisation Certificates (UCs) magütsür rongnung teimba magütsübaji School Education lir aser iba department sülen Rural Development, Social Security and Welfare, Youth Resources & Sports aser Cooperation dena lir, ta CAG report nung shia lir.
March 2018 tashi nung osang agüja aliba nung 2012-13 nungi 2016-17 tsüngda UCs magütsüba department yamai shia lir.
School Education- Rs 215.65 crore alang Utilisation Certificates (OUCs) 28;
Social Security & Welfare- Rs 64.54 crore alang OUCs 25;
Youth Resources & Sports-i Rs 17.69 crore alang OUCs 15;
Rural Development-i Rs 248.76 crore alang OUCs 14;
Cooperation- Rs 13.05 crore alang OUCs 2;
Fisheries- Rs 3.15 crore alang OUCs 7;
Health and Family Welfare- Rs 57. 24 lakh alang OUCs 10.
CAG-isa kasa mapang asoshi department aika ‘Others’ ta ser osang agüja aliba nung Rs 301.85 crore alang Outstanding Utilisation Certificates 154 magütsüba indang shia lir.
Iba atema CAG-i ashiba agi, OUCs ji mapang shitak nung magütsüba aser latetba mapang sülen agütsüba liasü.
OUCs mapang shitak nung agütsütsü atema sorkari inyakyim ka tenzüktsüla, ta CAG-i metetdaktsü.
Sorkarisa UVs magütsüba department ketdangsertem dak ozüng tapet agi temerenshi agütsütsüla, kechiyong iba nung senotsü miimzüka agiba aser tim mesüi amshiba densema alitsü akok, ta CAG-isa tetuyuba agütsü.
Talisa, UCs magütsüba ajanga sen lemzüktsübaji shitakba mapa inyakba nung endok asü masü kuli menguteter, ta parnokisa ashi.
December 2018 nung audit asüdang state sorkari UCs agütsütsü atema mapa inyaktsü ta ashi. Sorkari mapang latettsüba ama UCs agütsütsü atema inyakyim shitak tenzüktsüla aser aibelenba ketdangsertem merenshitsüla, ta CAG-isa metetdaktsü.