Nagaland sorkari sen crore 217 atema Utilisation Certificates magütsü

Kohima, March 19 (TYO): March 31, 2015 tashi nung Nagaland sorkari department 11 nung grants 104 atema Utilisation Certificates (UCs) magütsü aser item grants ji sen crore 217.65 atema lir.
Comptroller and Auditor General (CAG) of India ajanga March 31, 2015 tashi nung State Finances metetdaktsüba report nung iba osang ya shia lir. Tanü State Assembly nung Chief Minister, T R Zeliang-i CAG report benoka liasü.
Financial rules nung, grant anguba departmental officers-i Utilisation Certificates (UCs) agütsütsüla aser itemji tanga tetuyuba balaka melira, ita 12 tsüngda Accountant General (Accounts & Entitlement) nem agütsütsü atema lateta lir, ta CAG report nung metetdaktsü.
Ajisüaka, 2014-15 tashi nung department 11 nem sen crore 830.33 indang grants 629 agütsüba nungi sen crore 217.65 ji March 31, 2015 tashi küm pungu atema arrear indang UCs agütsü, ta CAG report nungsa ashi.
UCs maliba ajanga, grant angurtemi parnok inyaktsü aliba mapa nung sen amshi asü masüar meshiteter, ta CAG-isa ashi.
CAG Report nung March 31, 2015 tashi UCs magütsüi aliba department tem tsünglanglen agütsür.
Urban Development nung 2010-11 nungi 2013-14 tashi grant 46 asoshi lakh 16979.51 agütsü, saka grant 23 atema sen lakh 8313.49 indang UCs magütsüi lir.
Agriculture Department nung 2010-11 mapang sen crore 3 atema grant 22 agütsü aser idak nungjagi grant 2 atema sen lakh 43.37 indang UCs magütsü.
Public Health Engineering Department nung 2010-11 aser 2011-12 nung scheme 13 atema sen lakh 16789.04 agütsü saka idak nungjagi scheme 2 atema sen lakh 189.16 indang UCs magütsü.
Planning & Coordination Department nung 2010-11 aser 2011-12 nung grants 124 atema sen lakh 37294.77 agütsü, saka scheme 54 atema sen lakh 12130.27 indang UCs magütsü.
Registrar of Cooperative Societies nung 2013-14 mapang grants 16 atema sen lakh 750 agütsü saka grants 3 atema lakh 203 indang UCs magütsü.
Information & Public Relations nung 2013-14 mapang scheme 2 atema sen lakh 79.16 agütsü saka scheme 2 atema sen lakh 42.92 indang UCS magütsü.
Technical Education Department nung 2013-14 mapang grant ka atema sen lakh 40 agütsü saka iba indang UC ano magütsüi lir.
Youth Resources and Sports department nem 2014-15 mapang scheme ka atema sen lakh 200 agütsü saka iba indang UC ano magütsü.
Art and Culture Department nung 2010-11 nungi 2013-14 mapang grants 397 atema sen lakh 341 agütsü saka grants 12 atema sen lakh 2.6 indang UCs magütsü.
Department of Under Developed Areas nem 2013-14 mapang scheme 3 atema sen lakh 402.5 agütsü saka item indang UCs ano magütsü.
Police Department nung 2010-11 nungi 2013-14 mapang schemes 629 atema sen lakh 83033.22 agütsü saka grant 104 atema sen lakh 21764.81 indang UCs magütsü.