Nagaland sorkari tepoukdak alirtem temerenshi ajemtsür

Kohima, August 12 (TYO): Home Department-i sangdong ka ajanga, Independence Day 2017 nüngtem nung state sorkari state nung court-i (Court Martial dak alaka) aitsür tepoukdak balala nung puoka alirtem telemsa (category) kar nung obendang agüja aliba temerenshi ajema kümtsüogo, ta metetdaktsü.
Nagaland Angh-i tepela nung Nagaland nung jail balala nung telemsa balala kübok tepoukdak alirtem temerenshi ajema kümtsür, ta kasa osang ajanga metetdaktsü.
Category balala nung temerenshi ajema kümtsübaji yamai alitsü:-
CATEGORY SCALE OF REMISSION
1. Küm 10 dak tema tepuokdak alitsüpurtem – Anogo 30 ajemtsür
2. Küm 5-10 tsüngda tepoukdak alitsüpurtem – Anogo 20 ajemtsür
3. Küm 1-5 tsüngda tepoukdak alitsüpurtem – Anogo 10 ajemtsür
4. Küm 1 tashi tepoukdak alitsüpurtem – Anogo 5 ajemtsür
Iba dak alia item category nung tepoukdak alirtembo temerenshi majemtsür:-
1. Foreigners Act kübok aija alirtem
2. Passport Act kübok aija alirtem
3. Unlawful Activities (Prevention) Act kübok aija alirtem
4. Section 3 to 10 of Official Secrets Act, 1923 kübok aija alirtem
5. Section 2 to 3 of Criminal Amendment Act, 1961 kübok aija alirtem
6. Section 121 to 130 of IPC kübok aija alirtem
7. Section 107/109 of CrPC kübok aija alirtem
8. Prevention of Corruption Act kübok aija alirtem
9. Tashiyim amshia raksatsüba merangba mesüra tetsür dak azükba ken o nung aija alirtem.
10. Jail temzüngtem alema inyakertem
11. Act mashie ka nung aija alir bendangertem
Temerenshi ajemtsübaji August 15, 2017 nü nungi mapa küma inyaktsü.