Nagaland Spelling Bee c’ship Sept 28 & 29 anogotem nung akatsü

Kohima, August 12 (TYO): SCERT Nagaland aser Fountain Club Kohima senteper September 28 aser 29 anogotem nung Capital Convention Centre, Kohima nung 6buba Nagaland Spelling Bee Championship ayonga akatsü.
Iba Championship nung Nagaland nung aliba school tem nung azünger class 7 nungi class 10 kaketshirtem atema dang lapoktsür. Tamalenbo Class 11 aser 12 kaketshirtema shilem agidakja liasü, ta Fountain Club Secretary, Kevisavi Hibo-i tanü sangdong ka ajanga metetdaktsü.
School shia nungi ketdangsertemi achaayanga kaketshir ananati shilem agitsü akok, aser iba tetoktepba nung temzüngtembo akhi ama kasa asütsü, ta paisa ashi.
Entry forms (tetoktepba temzüngtem densema) SCERT & DIETs, outlets aser official website www.fountainclub.in nungi agizüktsü akok, aser form ji fountainclubkma@gmail.com nung agutsütsü akok.
Metetpelatsü atema contact nos ji: 9856244040, 9436604982 & 9436609258.